Presidenti serb Aleksandar Vuçiq, në fjalimin e tij në onllajn panel-diskutimin “Forumi Ekonomik i Delfit” mbi inkuadrimin e Ballkanit Perëndimor në BE, theksoi se e vlerëson shumë miqësinë midis tre vendeve, Serbisë, Shqipërisë dhe Maqedonisë së Veriut, të cilët janë në rrugën e tyre drejt BE-së dhe se shumë e vlerëson punën e vështirë, të përkushtuar të komisionerit për zgjerim, Oliver Varhei.
Siç raportoi korrespodenti i MIA-s nga Beogradi, ai kujtoi që Serbia, Maqedonia e Veriut dhe Shqipëria e kanë nisur nismën “Shengen i Vogël” me qëllim që ta mundësojnë qarkullimin e lirë të njerëzve, mallrave dhe shtoi se ai është mirënjohës ndaj BE-së, e cila mundohet për të njëjtat vlera.
“Shohim se duhet të bashkëpunojmë jo vetëm për çështjen e marrëdhënieve ekonomike, por gjithashtu dëshirojmë t’i përmirësojmë marrëdhëniet tona në lidhje me infrastrukturën dhe lidhjen”, tha Vuçiq.
Ai theksoi se lufta politike për rininë dhe gjeneratat e ardhshme është më e rëndësishmja dhe se ajo mund të arrihet vetëm nëse të gjithë punojnë së bashku.
“Kur them së bashku, mendoj për BE-në dhe të gjitha vendet e rajonit,” tha Vuçiq, duke shtuar se nuk ka të ardhme të qëndrueshme për kombet nëse të rinjtë nuk e kanë shansin të komunikojnë me fqinjët e tyre të parë.
Ai theksoi se vendet e rajonit duhet ta rigjallërojnë dhe rivendosin besimin mes vete dhe shtoi se është krenar që nuk mund të gjenden njerëz që thonë diçka të keqe për Maqedoninë e Veriut, por edhe për Shqipërinë.
“Jam krenar për këtë dhe kjo është rezultat i punës sonë të përbashkët vitet e kaluara, tha Vuçiq. Ai theksoi se ka hapësirë për përmirësime të mëtutjeshme të marrëdhënieve midis vendeve, me punë të përbashkët në sektorin ekonomik, por edhe në agjendën politike.
“Unë dua që qeveritë e të tre vendeve të ndërtojnë ura besimi, ndërsa njerëzit e rajonit tonë do të dinë ta vlerësojnë atë”, vlerësoi Vuçiq.
Në panelin e pranimit të Ballkanit Perëndimor në BE, ku folën gjithashtu komisioneri për zgjerim i BE-së Oliver Verheiji, kryeministri shqiptar Edi Rama dhe ish-kryeministri i Maqedonisë së Veriut, Zoran Zaev, Vuçiç vlerësoi se Serbia po bën përpjekje maksimale në rrugën e reformës në integrimin evropian, në fushën e sundimit të ligjit, reformat në sektorin ekonomik dhe në mbështetjen për median e lirë.
