Prokurorët turq kanë lëshuar urdhër arresti për 22 ushtarakë aktivë dhe ish ushtarakë me dyshimet sa kanë qenë të lidhur me Organizatën Terroriste FETO, grupi që orkestroi tentimin e dështuar të grusht shtetit në Turqi më 15 korrik të vitit 2016, raporton Anadolu Agency (AA).
Sipas një deklarate nga Zyra e Prokurorit Publik në kryeqytetin Ankara, urdhër arresti është lëshuar për disa pjesëtarë të Forcave Ajrore Turke, përfshirë gjashtë ish pilotë.
Të dyshuarit akuzohen për komunikim me anëtarët e FETO-s, thuhet në deklaratë.
Deri më tani 8 nga të dyshuarit janë arrestuar në operacionet e ndërmarra në 14 provinca, përfshirë dhe kryeqytetin.
FETO dhe udhëheqësi i saj me bazë në SHBA, Fetullah Gülen orkestruan grusht shtetin e dështuar të 15 korrikut të vitit 2016, i cili la 251 dëshmorë dhe rreth 2.200 të plagosur.
Ankaraja gjithashtu akuzon FETO-n se qëndron pas një fushate të gjatë për të përmbysur shtetin përmes infiltrimit të ithtarëve të saj në institucionet turke, veçanërisht në ushtri, polici dhe gjyqësor.
