Hulumtimi në platformën Numbeo, i publikuar nga portali RankingRoyals, zbulon të dhënat më të fundit mbi të ardhurat mesatare mujore neto në botë për vitin 2024 – pra shumat që marrin punonjësit pas zbritjeve të taksave. Të dhënat zbulojnë dallime të rëndësishme globale dhe siç pritej, fitimet më të larta regjistrohen në ekonomitë e zhvilluara në Perëndim, ndërkohë që shumë vende ende luftojnë me standarde të ulëta.
– Advertisements –
Në krye të listës është Zvicra, ku paga mesatare neto është 6,558 dollarë në muaj, duke e bërë atë lider botëror në të ardhurat personale. Pason Luksemburgu me 5706 dollarë, ndërsa vendi i tretë i takon Shteteve të Bashkuara me 4353 dollarë.
Në dhjetëshen e parë përfshihen gjithashtu:
Islanda – 3,919 dollarë
Katari – 3795 dollarë
Singapor – 3,711 dollarë
Hong Kong – 3630 dollarë
Danimarka – 3,562 dollarë
Australi – 3,441 dollarë
Holanda – 3,367 dollarë
Nga ana tjetër, vendet me fitimet mesatare neto më të ulëta në listën e 50 më të zhvilluarve janë:
Polonia – 1,463 dollarë
Republika Çeke – 1501 dollarë
Estonia – 1531 dollarë
Malta – 1542 dollarë
Sllovenia – 1.543 dollarë
Është interesante se disa nga vendet më të vizituara dhe më të zhvilluara ekonomikisht, si Japonia (2,114 dollarë), Spanja (1,776 dollarë) dhe Italia (1,672 dollarë), janë në fund të kësaj liste, duke treguar një çekuilibër midis fuqisë së përgjithshme ekonomike dhe standardit individual të jetesës së qytetarëve.
Përveç vendeve të zhvilluara, lista përfshin edhe qendrat ekonomike aziatike dhe të Lindjes së Mesme, si Emiratet e Bashkuara Arabe (3,099 dollarë), Kuvajti (3,044 dollarë) dhe Izraeli (2,946 dollarë), ndërsa Koreja e Jugut dhe Tajvani regjistrojnë të ardhura disi më modeste me 2,240 dhe 1,598 dollarë.
Ky hulumtim ofron njohuri mbi pabarazinë globale të të ardhurave, por gjithashtu ofron një pikë referimi të rëndësishëm për vendet që duan të përmirësojnë standardet e jetesës së qytetarëve të tyre përmes reformave tatimore, transformimit dixhital dhe tërheqjes së investimeve të huaja.
