32 vite më i madh, kush është milioneri që u fejua me mbesën yll të Princeshës Diana (FOTO)

Me sa duket do të kemi një tjetër dasmë mbretërore së shpejti! Mbesa 29-vjeçare e Princeshës Diana, Lady Kitty Spencer është e fejuar me milionerin Michael Lewis.

Lady Kitty nuk e ka konfirmuar vetë këtë lajm, por sipas “Daily Mail”, Lady Kitty dhe Micheal u fejuan disa javë më parë.

“Michael i propozoi Kitty-t para Krishtlindjes. Ajo ka qenë në Cape Town për pushime dhe i tha nënës së saj dhe pjesës tjetër të familjes. Michael e duan të gjithë. Pavarësisht pasurisë së tij, ai është shumë i i thjeshtë”, tha burimi.

Por kush është Michael Lewis?

Ai është nga Afrika e Jugut dhe është 61 vjeç – pra 32 vjet më i madh se Kitty ose 5 vite më i madh se babai i saj Earl Spencer.

Sipas Vogue Australia, ai është kreu i markës së modës “Foschini” dhe vlen më shumë se 150 milionë dollarë. Oh, se mos harrojmë, është i divorcuar dhe ka tre fëmijë të rritur!

Kitty dhe Micheal dolën në publik në maj të vitit të kaluar, kur u vunë re në një shëtitje në New York City. Ata u panë gjithashtu duke u puthur në St Tropez në gusht.

Kitty ka qenë më parë në një marrëdhënie me një tjetër milioner, italianin Niccolo Barattieri di San Pietro.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu