Në periudhën janar-korrik të këtij viti, Shqipërinë e kanë vizituar 6,6 milionë turistë, që është katër për qind më shumë krahasuar me të njëjtën periudhë të vitit të kaluar.
Instituti i Statistikave i Shqipërisë (INSTAT) ka publikuar një raport në të cilin konfirmohet se vendin e kanë vizituar mbi 225.000 turistë më shumë vizituan sesa në të njëjtën periudhë të vitit të kaluar.
Këto shifra konfirmojnë se turizmi mbetet një nxitës i fuqishëm i treguesve ekonomikë, si dhe i punësimit në vend.
“Turistët vijnë kryesisht nga rajoni evropian, duke përbërë rreth 95 për qind të turistëve të huaj. Më të shumtë janë turistët nga Kosova, Maqedonia, Italia, Spanja dhe Franca. Kjo konfirmon se Shqipëria mbetet kryesisht një destinacion rajonal dhe mesdhetar, por nuk mungojnë turistët nga tregjet e largëta si Amerika, Azia apo Afrika, të cilët, megjithëse japin një kontribut modest, janë vazhdimisht në rritje”, thekson INSTAT.
Shqipëria pritet të presë mbi 12 milionë vizitorë të huaj këtë vit.
Vendi vazhdon të promovohet nga mediat ndërkombëtare si një nga destinacionet më të mira për pushime, jo vetëm për vijën bregdetare, por edhe për bukuritë e tjera natyrore. Kjo ka çuar në një zgjerim gradual të turizmit edhe pas sezonit të verës.
