Shoqata ”Tvrdokorni” njofton se ka mbajtur takim me liderin e LSDM-së, Zoran Zaev, sekretarin Oliver Spasovski dhe Damjan Mançevskin.
Ata bëjnë të ditur se i kanë kërkuar LSDM-së që publikisht ta hedhë poshtë Deklaratën politike shqiptare, që sipas tyre, e dëmton Maqedoninë, duke shtuar se do t’i konsiderojnë si kundërshtarë nëse LSDM-ja nuk e zbaton këtë kërkesë të tyre.
Tvrdokorni konsideron se Deklarata është një thikë pas shpine për Maqedoninë nga ana e partive shqiptare që janë bashkuar rreth një agjende. Kjo shoqatë kërkon, siç thonë, t’u jepet fund shantazheve të partive shqiptare dhe kërkesave joparimore.
