Lidhur me ngjarjet në Kuvend mbrëmjen e 27 prillit, dy persona do të hetohen për veprën penale “vrasje me paramendim”. Vendimi u bë i ditur nga Prokuroria Themelore Publike.
“Prokurori kompetent publik miratoi urdhër për zbatimin e procedurës hetuese kundër dy personave për veprën e përmendur penale. Njëherësh, sipas vlerësimit të Prokurorisë Publike, kundër të dyshuarve është e domosdoshme të shqiptohet masa për sigurimin e tyre, për çka prokurori publik deri te gjykatësi në procedurë paraprake parashtroi Propozim për përcaktimin e masës së paraburgimit, meqë ekzistojnë të gjitha bazat ligjore për atë”, thuhet në njoftimin e Prokurorisë.
Për shkak të pastrimit të plotë të kësaj ngjarjeje penale-juridike nga Prokuroria publike janë lëshuar urdhra për veprim emergjent të Ministrisë së Brendshme për shkak të sigurimit të dokumentacionit dhe të dhënave relevante.
