Lëvizja civile URA nuk ka marrë ende një qëndrim zyrtar për zgjedhjet presidenciale, do të shohim se cilët do të jenë kandidatët, por më e rëndësishmja është që Millo Gjukanoviq nuk është më president i vendit, tha kryeministri në mandatin teknik Dritan Abazovic, transmeton InfoShqip.
Këtë e theksoi Abazovic për mediat, duke shfrytëzuar rastin për të komentuar deklaratën e deputetit amerikan, Gabriel Escobar, i cili tha se Mali i Zi është në prag të kolapsit institucional.
“Eskobari është mik i Malit të Zi dhe nëse shihet nga këndvështrimi i Gjykatës Kushtetuese, askush nuk mund të injorojë se jemi në një situatë shumë të palakmueshme. Sa për gjërat tjera, mendoj se sistemi nuk ka asnjë problem me funksionalitetin dhe mendoj se këtë e ndjejnë qytetarët”, tha Abazoviq.
Ai u bëri thirrje edhe një herë deputetëve që të zgjedhin të katër gjyqtarët e Gjykatës Kushtetuese.
“Nëse nuk zgjidhen më 10 shkurt, të gjithë e dinë se kush do të jetë fajtori”, shtoi Abazovic./InfoShqip.com
