Kryeministri i Malit të Zi, Dritan Abazoviq deklaroi se Shtetet e Bashkuara të Amerikës janë partneri më i rëndësishëm i politikës së jashtme të Podgoricës, si dhe se presidenti amerikan Joe Biden mund të shpëtojë Ballkanin Perëndimor nga ndikimi rus dhe kinez.
Ai konsideroi se korrupsioni është gjenerues i nacionalizmit, raportojnë sot mediat e Podgoricës.
“Mesazhi im për Biden është i thjeshtë. Presidenti Biden duhet të përdorë urdhra ekzekutivë për të sanksionuar njerëzit e përfshirë në korrupsionin e nivelit të lartë në Ballkanin Perëndimor. Kjo është mënyra më e mirë dhe më e thjeshtë për Biden për të shpëtuar Ballkanin Perëndimor”, tha Abazoviq.
Siç shtoi ai, nëse rajoni shkon në drejtim të nacionalizmit dhe konfliktit, do të bëhet një objektiv i lehtë për ndikimin e huaj.
“Pavarësisht nëse është ndikimi rus apo ndikimi kinez, nëse Biden mendon se ndikimi i huaj duhet të ndalet, ai duhet të sanksionojë njerëzit. Kjo do të mjaftonte për të ndaluar aktorët politikë që po e udhëheqin Malin e Zi dhe rajonin në atë rrugë”, tha ai.
