Sot aktivistët e partisë Aleanca për Shqiptarët vizituan Banjën e Tetovës. Banja e Tetovës, një perlë turistike që do investime dhe jo makiazh, shkruajnë në postimin e tyre në Facebook, Aleanca për Shqiptarët dega e Tetovës, përcjell TOP24.
“Banja e Tetovës është një nga potencialet për rekreacion që kohëve të fundit vizitohet gjithnjë e më shumë, si nga tetovarët ashtu edhe nga vizitorë prej qyteteve të tjera.
Në këtë perlë natyrore jo vetëm që nuk investohet, por as edhe nuk mirëmbahet. Mbeturinat mbeten njollë e zezë si në shumë pjesë të tjera të qytetit.
Banja e Tetovës nuk ka nevojë për makijazh, por për investime serioze që do ta shndërrojnë atë në një pikë të vërtetë turistike”, shkruajnë nga ASH./TOP24/
