“Urime Shkëlqesisë së Tij zotit Bajram Begaj, i cili dje filloi mandatin si President i Republikës së Shqipërisë. Ambasada e Maqedonisë së Veriut në Shqipëri mezi pret vazhdimin e bashkëpunimit tonë të ngushtë dhe të mirë”, thuhet në urim, transmeton InfoShqip.
Begaj, i cili u zgjodh nga Kuvendi i Shqipërisë në datën 4 të muajit të kaluar, me betimin e legjislativit dhe dorëzimin ceremonial, zyrtarisht mori detyrën mbrëmë. Më herët, më 29 korrik, ambasadori Danço Markovski ka zhvilluar një takim protokollar me Begajn, duke e uruar personalisht për zgjedhjen e tij.
Në takim u shkëmbyen mendime lidhur me çështjet më aktuale të bashkëpunimit dypalësh mes dy vendeve, aktivitetet lidhur me “Ballkanin e Hapur”, gjatë të cilit Begaj theksoi bashkëpunimin e vendosur dinamik të kryeministrave Dimitar Kovacevski dhe Edi Rama, si dhe qeverive të dy vendeve.
Ai përshëndeti edhe rezultatet pozitive në sferat ekonomike, tregtare dhe të tjera të bashkëpunimit, të cilat, sipas tij, inkurajojnë zgjerimin dhe thellimin e mëtejshëm të marrëdhënieve. Ai u zotua se do të japë kontributin e tij në këtë drejtim.
“Begaj informoi se ka pasur rastin të vizitojë Maqedoninë e Veriut, gjatë së cilës ka pasur një takim me presidentin Stevo Pendarovski. Ambasadori Markovski shprehu shpresën se pas marrjes së detyrës Begaj do ta vizitojë vendin tonë”, njoftuan nga ambasada./InfoShqip.com
