“BESA ofron zgjidhje konkrete edhe për rregullimin e njësive zgjedhore”
Mbrëmë në emisionin “Click Plus” të ftuar kanë qenë zëdhënësi i Lëvizjes BESA, Amir Elezi dhe përfaqësuesi i Unitetit, Zylfi Adili – Qufa.
“Ne si Lëvizje BESA vazhdimisht kemi këmbëngulur që të ketë vetëm një njësi zgjedhore në Maqedoni dhe kandidimi i deputetëve të realizohet me lista të hapura, ngase vlerësojmë se kjo është mënyra më demokratike për zgjedhjen e deputetëve. Por, përderisa realizohej Marrëveshja e Përzhinos u pa qartë se kjo nuk u shkon në favor të partive parlamentare… Kur jemi këtu njësia e gjashtë zgjedhore, (këto rezultate kanë dalë sipas analizave të hollësishme që i ka bërë secilës zonë veç e veç Lëvizja BESA) ka plus 5.28 përqind më shumë votues se sa është e lejuar… Që të jetë procesi zgjedhor i mirëfilltë dhe çdo qytetar në secilën njësi zgjedhore të ndjehet i barabarët ne ua ofrojmë organeve përgjegjëse, të vijnë ta marrin studimin e njësive zgjedhore që i kemi bërë si Lëvizje, e ta vënë në zbatim, me qëllim që zgjedhjet të jenë sa më të drejta dhe kredibile”, – ka theksuar Elezi nga BESA.
Ndërsa, sa i përket zgjedhjeve parlamentare ai ka thënë se më 11 dhjetor BDI nuk shkon vetëm në opozitë, por edhe në histori.
