Sot gjatë një deklarate nga Agim Nuhiu i BDI-së i cili akuzoi opozitën shqiptare si organizatore e protestave të djeshme dhe politizim të rastit të spitalin modular në Tetovë, shkruan InfoShqip.com
E pas kësaj deklarate kanë reaguar nga Aleanca për Shqiptarët ku kanë deklaruar se pas 27 Prillit, Nuhiut ju shtua tani edhe 8 Shtatori pra dita e ngjarjes së Tetovës.
Shkrimi i plotë:
“Opozita i ka fajet”. Kjo është retorika më banale dhe përgjigja e vetme që dëgjojmë nga regjimi hibrid sa herë që përballen me realitetin e hidhur për mënyrën se si kanë qeverisur vendin.
Agim Nuhiu, t’u ka trashë zullumi! Pas 27 prillit, t’u shtua edhe 8 shtatori. Agim, e dimë që s’ke dëgjuar për dorëheqjen e as ne gjenin tuaj politik nuk e keni aplikuar moralin politik e njerëzor.
Sot duhet të tregoni deri ku kanë arritur hetimet për djegien e Spitalit modular në Tetovë, kush do të mbajë përgjegjësi për 14 jetë të djegura në zjarr?
ALEANCA PËR SHQIPTARËT”, shkruajn nga ASH.