Edhe pse në muajt e fundit është spekuluar vazhdimisht për largimin e Ousmane Dembele, duket se Barcelona dëshiron ta mbajë në skuadër.
Është raportuar se francezi do të largohet nga Blaugranët në fund të këtij sezoni, por Diario Sport njofton se klubi spanjoll mund ta mbajë edhe pas verës që vjen.
Dembele u transferua te Barca në vitin 2017 nga Borussia Dortmundi për një shumë të majme parash (rreth 145 milionë euro), mirëpo ka dështuar t’i plotësojë pritshmëritë.
Për më shumë, ai ka pasur edhe probleme me lëndime që ia kanë pamundësuar të kontribuojë në sukseset e skuadrës.
Sidoqoftë, katalunasit duan t’i japin shans ta dëshmojë veten pasi të kthehet nga lëndimi.
