Ministri i Financave të Maqedonisë, Fatmir Besimi tha një drejtor me performanca të pasuksesshme të kompanisë në sektorin publik, nuk mund të ketë pagë më të lartë se një zyrtar.
“Në një nga rubrikat e mia, kam mbuluar të gjitha aspektet, por për fat të keq, jo të gjithë kanë durimin për të lexuar të gjithë dhe vetëm pjesë janë hequr. Kur flasim për sektorin publik, ai është i ndryshëm nga ai privat. Në të duhet të ketë një kuadër ku do të krijohet një sistem konsistent, ku dihet, që nga presidenti i shtetit që duhet të ketë pagën më të lartë, deri tek ata që janë nëpunës civilë që nga nivelet fillestare. Nuk janë vetëm drejtorët e ndërmarrjeve publike, ka edhe drejtorë të tjerë të institucioneve në sektorin publik. Ka një ligj për pagat në administratën publike”, tha ministri i Financave, Fatmir Besimi në një pyetje në emisionin “24 Analiza”.
Ministri sqaron se një drejtor me performancë të pasuksesshme të kompanisë në sektorin publik, nuk mund të ketë pagë më të lartë se një zyrtar në institucionet shtetërore.
“E ka si shembull në vende të tjera. Do t’i qasemi edhe kësaj. Ne do të shohim modelin më të përshtatshëm. Nuk mund të kemi kontrata menaxheriale që të jenë sekret biznesi për kompanitë publike që nuk janë të listuara në bursë. Do të ketë zgjidhje pozitive në atë drejtim”, tha Besimi./Telegrafi/
