Nuk janë të paktë pallatet që kanë pësuar çarje e plasaritje në Tiranë, pas goditjeve të njëpasnjëshme të tërmetit. Të vetmit që duket se u kanë shpëtuar këtyre goditjeve dhe që nuk janë çarë, duket se janë pallatet e vjetra të kohës së Enverit.
Një prej këtyre godinave të mëdha, tepër luksoze ku çmimi i metrit katror shitet disa mijëra euro, ka pësuar gjithashtu dëmtim. Nga imazhet e publikuara në rrjet, vihet re se ai është pallati i kuq që ndodhet pranë liqenit artificial në Tiranë.
Në këtë pallat jetojnë eksponentë demokratë, si djali i ish-Kryeministrit Sali Berisha, Shkëlzen Berisha, por edhe Flamur Noka. Plasaritjet dhe çarjet në këtë pallat janë mëse të dukshme dhe tepër të mëdha.