“Delja e zezë” Orban: Pse e bllokuam buxhetin evropian

Hungaria ka vënë veton në buxhetin evropian dhe fondin e rimëkëmbjes sepse kjo do ta detyronte atë të pranojë emigrantë, tha të mërkurën Kryeministri hungarez Viktor Orban.

Hungaria, së bashku me Poloninë, ka vënë veton në kuadrin financiar shumëvjeçar 2021-2027, duke argumentuar se ajo e kushtëzon hyrjen në fonde me respektimin e sundimit të ligjit.

Por Varshava dhe Budapesti përsëritën kundërshtimin e fortë ndaj mekanizmit.

“Megjithëse Hungaria është zotuar për bashkëpunim, pas ngjarjeve të fundit ajo nuk është më e prirur njëzëri për paketën e masave të miratuara në korrik mbi buxhetin evropian 2021-27, as për planin e rimëkëmbjes pas COVID-19 që mbështetet në këtë buxhet”, thuhej në një letër e cila u dërgua nga kryeministri hungarez në Presidencën gjermane të Bashkimit Evropian.

Udhëheqësi hungarez beson se emigrimi kërcënon identitetin kombëtar dhe evropian hungarez.

Udhëheqësit e vendeve anëtare të BE arritën një marrëveshje politike në korrik për një buxhet të ri 7-vjeçar për periudhën nga 2021 në 2027 me vlerë 1,074 miliardë euro dhe një plan rikuperimi prej 750 miliardë euro, nga të cilat 390 miliardë janë grante dhe 360 ​​miliardë kredi. Në total, janë mbi 1,800 miliardë euro.

data-full-width-responsive="true">

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu