Ajo është një ndër fotot që ka bërë xhiron e botës fill pas vrasjes makabre të ambasadorit rus në Ankara.
Aty gjendet një mesazh që vlen për mësim sidomos për shtetarët tanë.
Nëse shihet me vëmendje, ambasadori i ndjerë rus në Ankara kishte veshur një palë këpucë, të cilat duken tejet të konsumuara nga poshtë, aq sa fërkimi me tokën i ka ngrënë një pjesë të mirë të shuallit.
Gjithashtu, tek pjesa e takës së këpucës konsumimi është edhe më i madh dhe duken qarte konturet e katërkëndëshave të vegjël, të cilët ndodhen mes dhembrës dhe shuallit të takës.
Andreji Karlov ishte ambasadori i shtetit të dytë më të fuqishëm në botë në kryeqytetin e një shteti tjetër të fuqishëm, por luksi nuk ishte pjesë e jetës së tij, shkruan Albeu.com.
Kjo foto pasqyron çdo gjë dhe është një mesazh i qartë për të gjithë ata që kapardisen salloneve të shndritshme të perëndimit me kostume dhe këpucë me vlerë mijëra euro. /Albeu.com/
