“Donald Trump u ka shpallur luftë 1.5 miliardë myslimanëve”

Donald Trump është duke rrezikuar që të ndezë shkëndijat e një lufte fetare në Lindjen e Mesme, pasi zyrtarisht njohu Jerusalemin si kryeqytet të Izraelit, kanë theksuar Turqia dhe Irani.

Kryeministri turk Bin Yildrim paralajmëroi se vendimi mund të nxitë një luftë të shenjtë, shkruan express.co.uk, transmeton arbresh.

Sipas tij vendimi i Trump mund të sjellë probleme të pazgjidhshme, duke thënë se ishte jetike për paqen globale që Donald Trump të ndryshonte mendje.

Presidenti i Turqisë, Recep Tayyip Erdogan tha se “SHBA-të janë duke e zhytur rajonin dhe botën në një zjarr të pafund”.

Kreu i Lartë i Iranit, Ali Khamenei, shprehu zemërimin e tij mbi vendimin, duke thënë se kjo ishte një shenjë e “paaftësisë dhe dështimit.

Liderët e të dy vendeve kanë theksuar se situata pritet të tensionohet, ndërsa Khamenei ka theksuar se “Trump u ka shpallur luftë myslimanëve”.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu