Jordan Pickford është për momentin njeriu më i urryer nga tifozët e Liverpoolit. Portieri anglez kishte bërë një ndërhyrje tejet të tmerrshme ndaj mbrojtësit holandez Virgil Van Dijk.
E pas kësaj ndërhyrje qendërmbrojtësi holandez lëndoi rëndë gjurin dhe do të jetë jashtë fushave për së paku gjashtë muaj.
Gjithsesi pas rishikimit të pamjeve, portieri anglez i Evertonit, Jordan Pickford mund të dënohet nga federata angleze.
Gjyqtari i ndeshjes, Michael Oliwer dhe VAR nuk e konsideruan si ndërhyrje të palejueshme dhe anglezi shpëtoi pa u ndëshkuar.
Por tani mediat angleze kanë raportuar se Pickford mund të dënohet nga FA nëse gjyqtari Oliwer thotë se ka gabuar në atë rast.
Gjithsesi The Mirror raporton se Pickford mund të marrë një dënim minimal prej tri ndeshjeve.
