Presidenti i Turqisë, Recep Tayyip Erdoğan, zhvilloi bisedë telefonike me homologun rus Vladimir Putin, transmeton Anadolu Agency (AA).
Sipas një njoftimi nga Drejtoria e Komunikimeve e Presidencës së Turqisë, në bisedën telefonike, Erdoğan dhe Putin kanë biseduar për hapat drejt zhvillimit të marrëdhënieve dypalëshe, veçanërisht ato në fushën e ekonomisë, si dhe për bashkëpunimin kundër pandemisë COVID-19.
Dy liderët kanë diskutuar po ashtu zhvillimet në Libi dhe Siri dhe çështjet rajonale. Erdoğan dhe Putin kanë ngelur dakord për të vazhduar koordinimin për paqen, sigurinë dhe stabilitetin rajonal.
