Lideri i LSDM‑së, Venko Filipçe, deklaroi se ekziston një marrëveshje mes VMRO‑DPMNE dhe BDI, me të cilën përmes bllokimit të punës së Kuvendit do të krijohen kushte për shpalljen e zgjedhjeve të parakohshme parlamentare.
Filipçe tha se informacionet i kanë marrë gjatë ditëve të fundit dhe vlerësoi se një bllokadë institucionale e mundshme do të përdorej si alibi për zgjedhje:
“Ekziston marrëveshje mes grupit të organizuar kriminal të VMRO‑së dhe BDI‑së, që me ndërhyrje procedurale nga grupi parlamentar i BDI‑së të bllokohet puna e Kuvendit dhe kjo të çojë drejt zgjedhjeve të parakohshme”, u shpreh Filipçe.
Ai nuk dha detaje shtesë mbi bazën e këtyre pretendimeve, as për kohën kur sipas tij mund të fillojë bllokada.
Deklarata vjen në një periudhë kur tema e zgjedhjeve të parakohshme parlamentare është rikthyer në qendër të debatit politik, së bashku me kushtet që do të duhej të plotësoheshin për shpalljen e tyre.
