Parlamenti i Spanjës sot i dha përkrahje liderit të socialistëve Pedro Sançez për formimin e qeverisë së koalicionit, me çka i jepet fund krizës pothuaj njëvjeçare në ekonominë e katërt sipas madhësisë në eurozonë.
Formimi i Qeverisë spanjolle do ta hapë rrugën për ratifikimin e Protokollit për anëtarësim në NATO, me çka shteti i ynë do të bëhet anëtarja e 30-të e Aleancës. Zëvendës ministri i Punëve të Jashtme Andrej Zhernovski, në profilin e tij në Fejsbuk, e ka përshëndetur zgjedhjen e Qeverisë së Spanjës.
“Lajm i mirë nga Madridi! Sapo u votua Qeveria e re e Spanjës, Urime deri te kryeministri Sançez”, publikoi në Fejsbuk Zhernovski.
Lideri i Partisë Socialiste të Spanjës, Pedro Sançez sot e mori përkrahjen me 167 vota në Parlamentin 350-anëtarësh spanjoll për formimin e Qeverisë së koalicionit me partinë e majtë Podemos.
Të dielën, në rrethin e parë të votimit, koalicioni i Sançezit nuk mori përkrahje nga më shumë se 176 deputetë, e sot në rrethin e dytë të votimit, ishin të nevojshme më shumë vota “për” se “kundër”.
Socialistët e Sançezit fituan në zgjedhje në prill vitin e kaluar, por ai nuk mori mjaftë vota për formimin e pavarur të qeverisë. Pasi nuk mori përkrahje nga partitë tjera në nëntor, u mbajtën zgjedhje të reja, të jashtëzakonshme, ku janë arritur rezultate të ngjashme, pas çka socialistët e Sançezit formuan koalicion me partinë më të vogël të majtë, Podemos, me të cilët së bashku kanë 155 deputetë.
Për dhjetë muaj, Protokollin për aderim në NATO e ratifikuan 28 nga gjithsej 29 anëtarë, ndërsa pranimi i Maqedonisë së Veriut si anëtare e 30-të të NATO-s është i sigurt, hyrja është vetëm formalitet, pasi vendimi dhe pajtueshmëria nga 29 vendet anëtare veçmë është dhënë.
Nga ana e jonë, megjithatë Propozimi ligji për ratifikimin veçmë është në procedurë kuvendore. Qeveria nga fundi i muajit të kaluar ka vendosur për ratifikim të parakohshëm te ne, me qëllim që të mos humbet kontinuiteti në procesin e zyrtarizimit të anëtarësimit tonë, duke marrë parasysh atë se vendi shkon në zgjedhje të parakohshme më 12 prill, ndërsa Parlamenti shpërndahet më 11 shkurt.
