Ministrja e Punës ka hedhur poshtë idenë për të shtyrë edhe më tej moshën e pensionit, por debati në Gjermani është ndezur sërish. Çështja është se si të sigurohet niveli i pensioneve nëse ka mungesë të punëtorëve, dhe ka gjithnjë e më shumë pensionistë.
Mosha e daljes në pension duhet të rritet,” tha së fundmi ekonomisti Gunter Schnable i Universitetit të Leipzig. Duke propozuar daljen në pension në moshën 70-vjeçare, Schnable ndezi një debat të vjetër në Gjermani.
Domethënë, pas shumë mundimeve, në këtë vend, mosha e daljes në pension deri në vitin 2029 gradualisht po rritet nga 65 në 67. Ata që dalin në pension para kësaj nuk mund të llogarisin në shumën e plotë.
rgumenti i Schnabel është rritja e përgjithshme e çmimeve si dhe qindra mijëra vende të lira pune. Ai thotë se Gjermania do të ketë problem vetëm kur i gjithë brezi i “baby boomers” të dalë në pension. Kjo i referohet njerëzve të lindur gjatë rritjes së papritur të nivelit të lindjeve midis Luftës së Dytë Botërore dhe viteve 1960.
