Drejtori i Zyrës për Kosovën në Qeverinë e Serbisë, Marko Gjuriq, ka reaguar pas deklaratave të presidentit të Kosovës, Hashim Thaçi, i cili tha se shumë shpejt duhet të ulemi dhe të bisedojmë me Serbinë për kufijtë.
Sipas Gjuriq, Thaçi flet në mënyrë të qartë dhe po tregon se ka për qëllim që në tavolinën e bisedimeve në Bruksel do të bëjë presion tek presidenti Vuçiq që të bisedohet për kufijtë, raporton Arbresh.info.
“Por kjo nuk duhet mbështetur, sepse ajo nuk do të ndodhë”, tha Gjuriq për Tanjug, në pyetjen se si ai e sheh deklaratën e Thaçit përpara rifillimit të dialogut, se do të jetë në tavolinë bisedë bosht çështja e kufijve.
Gjuriq ka shtuar se këto deklarata tregojnë qartë se Thaçi po bënë presion mbi Serbinë dhe presidentin e saj për këtë çështje.
“Ne i tregojmë Thaçit se nuk do të japim një inç të territorit të Kosovës”, ka shtuar Gjuriq.
Ai ka thënë se në mungesës të plotë të vullnetit për të bërë kompromis me Prishtinën, nga bisedimet në Bruksel nuk presin asgjë./Arbresh.info
