Policia spanjolle ka shkatërruar një bandë të përbërë nga shqiptarë, pasi ishin autorë të disa vjedhjeve në këtë shtet.
Siç bëhet e ditur, banda në fjalë kishte bërë me shumë se 200 vjedhje, ku mes tyre ishte edhe kapiteni i Atlético de Madrid, Gabi Fernandez, në banesën e të cilit u grabit një orë, veshje dhe një xhaketë me vlerë 10.000 euro.
Policia e Spanjës bën me dije se në pranga janë vënë 5 shqiptarë, pjesëtarë të bandës, të cilët janë vënë në pranga pak para se të vinin në zbatim planin për të shkuar në Shqipëri.
Identiteti i personave të arrestuar nuk bëhet me dije, por mediat spanjolle raportojnë se janë të moshës mes 21 dhe 47 vjeç.
