Me ndarjen e vërtetimeve për deputetët e rin nga ana e Komisionit Shtetëror të Zgjedhjeve përfunduar zyrtarisht zgjedhjet e parakoshme parlamentare, njofton agjencia e lajmeve INA.
Tani e gjithë vëmendja e opinionit është drejtuar tek sfida e radhës e skenës politike e cila pritet të filloij negociatat për formimin e qeverisë së re.
Lideri i BDI-së, Ali Ahmeti tashmë ka deklaruar se nuk do ti zhgënjejë shqiptarët me vendimin e tij për hyrje në qeverinë e re.
Por, sipas gjitha gjasave shqiptarët kësaj radhë do të negociojnë me LSDM opozitare, e cila drejtohet nga lideri Zoran Zaev.
Koalicioni me LSDM-në nuk është përjashtuar nga Ahmeti dhe nënkryetarja e BDI-së, Teuta Arifi.
Ndërkaq, tri partitë tjera shqiptare janë deklaruar hapur se nuk do të hyjnë në qeveri me Nikolla Gruevskin.
Lideri i LR-PDSH-së, Ziadin Sela mbrëmë për herë të parë, në një debatë televizivë është shprehur se asnjëherë do ti hyjë në një qeveri me Nikolla Gruevskin dhe partinë të cilën e drejton ai.
Sela tha se, nuk hy në qeveri me një lider që na ka quajtur Indian, me një njeri që i ka bërë dëme të mëdha shqiptarëve, por edhe Komunës së Strugës duke i marrë mbi 2 milion euro.
Ai tha se, këtë nuk e ka pohuar më parë për ti mos i krijuar komoditet në negociata liderit të LSDM-së, Zoran Zaev.
Të njëjtën e kanë potencuar edhe dy nënkryetarët e partive tjera, Arben Labënishti nga Lëvizja Besa dhe Bekim Fazliu nga Partia Demokratike shqiptare.
Ata kanë pohuar se cështja e hyrjen në qeveri me mandatarin e parë, VMRO-në tashmë është mbyllur.
Por, nuk përjashtohet mundësia që Maqedonia të mbetet pa qeveri, nëse partitë maqedonase nuk i pranojnë kërkesat e tyre për barazi të plotë. Këtë e ka konfirmuar edhe lideri i BDI-së Ali Ahmeti dhe përfaqësues të partive tjera shqiptare./ina
