Kryeministri, Ramush Haradinaj, është lideri i radhës institucional, që ka uruar besimtarët myslimanë me rastin e fillimit të muajit të shenjtë të Ramazanit.
“Me rastin e fillimit të muajit të Ramazanit, besimtarëve të fesë islame, u shpreh urimet më të sinqerta, me dëshirën që ky muaj të sjellë më shumë të mira shpirtërore, begati dhe mirëqenie”, ka thënë Haradinaj, përmes Facebook, përcjell Klan Kosova.
“Lë të shërbejë ky muaj për forcimin e ndjenjës së flijimit, vetëpërmbajtjes, mëshirës, afrimit dhe faljes mes njerëzve”.
“Agjërim të lehtë!”
