Një person i shtatë ka vdekur nga koronavirusi në Itali, sipas raporteve të mediave, pasi numri i përgjithshëm i rasteve në vend është rritur në më shumë se 200, transmeton Gazeta Metro.
Një duzinë qytete janë në bllokim ndërsa autoritetet garojnë të përmbajnë shpërthimin më të madh të koronavirusit në Evropë, gjë që ka bërë që Austria të mbledhë një forcë speciale për të marrë parasysh kontrollet kufitare.
Ka pasur pesë vdekje të konfirmuara gjatë dy ditëve të kaluara nga COVID-19. Të paktën tre nga viktimat kishin vuajtur nga probleme serioze shëndetësore. Viktimat e gjashta dhe të shtata të raportuara nuk janë konfirmuar nga autoritetet italiane.
Të Dielën në mbrëmje, Austria refuzoi hyrjen në një tren që vinte nga Italia pasi Hekurudhat Shtetërore Italiane njoftuan operatorin austriak të trenit OBB se kishte dy persona me simptoma të etheve në bord.
“Sonte një tren në rrugën e tij nga Venecia për në Mynih u ndalua në kufirin austriak”, konfirmoi më parë ministria e brendshme e Austrisë.
Shqetësim është shprehur edhe nga drejtori francez i shëndetësisë Jerome Salomon, i cili tha se situata ishte “shqetësuese” dhe paralajmëroi raste të mëtejshme në Francë për shkak të afërsisë së saj me Italinë.
Gjermania ka thënë se nuk po konsideron mbylljen e kufijve.
