Do të rivotohet në një vendvotim në Zhelinë, ka vendosur Komisioni Shtetëror Zgjedhor.
Kjo vjen pasi koalicioni VLEN parashtroi ankesa për 10 vendvotime në Njësinë Zgjedhore 6 ku hyjnë vendet si Tetova, Gostivari, Bogovina dhe Vrapçishti, transmeton TV21.
VLEN parashtresat i ka dorëzuar mbi bazën se ka parregullsi në mbledhjen e votave për të cilat thuhet se kanë ndikuar edhe rezultatin përfundimtar.
Kujtojmë se VLEN në Njësinë Zgjedhore 6 ka 7 deputetë, kurse Fronti Europian ka 9 deputetë.
Por lufta më e madhe do të bëhet në njësinë Zgjedhore 5. Aty BDI ka marrë rreth 100 vota më shumë se LSDM duke siguruar një deputet më shumë. 8 parashtesa për këtë njësi zgjedhore ka parashtruar edhe VMRO-DPMNE e cila te njësia 5 është afër edhe një mandati deputeti./TV21
