Një shpinë e shëndetshme përbëhet prej tri lakoreve të shëndetshme:
1. Një lakore nga brenda në pjesën e qafës (lakorja cervikale)
2. Një lakore nga jashtë në pjesën e sipërme të shpinës (lakorja torakale)
3. Një lakore nga brenda në pjesën e poshtme të shpinës (lakorja lumbale)
Qëndrimi i duhur ndihmon në mirëmbajtjen e këtyre lakoreve ndërsa qëndrimi i keq e bën krejtësisht të kundërtën, duke stresuar muskujt dhe shkaktuar dhimbje.
Gjatë qëndrimit në këmbë keni parasysh këta faktor:
· Mbani supet pas dhe të relaksuara
· Tërhiqeni barkun brenda
· Mbani shputat e këmbëve larg njëra tjetrës ashtu sa i keni supet e gjera
· Shpërndani peshën në të dyja këmbët njëjtë
· Lejoni duart të varen në mënyrë natyrale anash trupit
Tentoni që të mos e ktheni kokën anash, poshtë apo lart dhe sigurohuni që gjunjët të jenë të relaksuar.
Gjatë qëndrimit ulur mbani mend këto këshilla:
· Zgjidhni një karrige e cila ju mundëson që gjunjët t’i keni në të njëjtën distancë me ijet. Nëse e nevojshme, vendosni diçka nën shputa për ta bërë këtë balancim.
· Mbështetuni në karrige. Nëse karrige nuk mbështet shpinën tuaj atëherë rekomandohet të merrni ndonjë jastëk apo peshqir të mbështjellur për ta vendosur prapa pjesës së poshtme të shpinës.
· Mbani pjesën e sipërme të shpinës dhe qafën drejtë
· Mbani supet e relaksuara dhe – jo të ngritura, kërrusura apo të tërhequra shumë prapa
Edhe pse qëndrimi i përshtatshëm duhet të jetë diçka natyrale, në fillim ju mund të ndiheni të ngurtë pasi që qëndrimi i papërshtatshëm ka ndryshuar strukturat e indeve të buta dhe forta deri në një masë. Çelësi është që të praktikoni qëndrimin e drejtë çdo ditë dhe mos të ndaleni deri sa ta arrini atë. Përmirësimet mund të ndodhin tek secila moshë dhe gjini. Zgjatjet dhe ushtrimet për forcimin e muskujve të trungut janë alternativë ndihmëse po ashtu.
