Sokol Cikalleshi shënoi dy gola në ndeshjen e fundit të Konyaspor dhe ia dha fitoren skuadrës. Sulmuesi i kombëtares shqiptar përmbysi rezultatin kundër Yeni Malatyaspor. Normalisht edhe vlerësimet kanë qenë të shumta për sulmuesin, i cili është përfshirë edhe në formacionin më të mirë të javës së 26-të në Superligën turke.
Jo vetëm kaq, pasi Cikalleshi është lojtari i vlerësuar me notën më të lartë, 8.6, nga Sofascore. Sulmuesi këtë sezon ka shënuar vetëm tre gola, por shpesh është parë të luajë në krah dhe ka qenë larg portave të kundërshtarëve.
