Çështja e shëndetit dhe fuqisë fizike do të jetë një çështje thelbësore politike gjatë mandatit të presidentit të zgjedhur
Presidenti i zgjedhur amerikan Joe Biden mbush sot 78 vjeç. Pas 2 muajsh, demokrati do të betohet si presidenti më i vjetër në historinë e kombit, duke thyer rekordin e republikanit Ronald Reagan, i cili u largua nga Shtëpia e Bardhë në 1989 kur ishte 77 vjeç.
Biden do të tregojë se ai ka forcën e duhur për t’i shërbyer kombit. “Ai duhet t’i provojë popullit amerikan se është fizikisht dhe mendërisht i aftë për këtë punë,” tha Ross Baker, një shkencëtar politik në Universitetin Rutgers i cili ka këshilluar ligjvënësit e të dyja palëve.
Gjatë fushatës, Trump, pak më i ri se rivali i tij(74 vjeç), nuk humbi rastin për të treguar gafat e Biden dhe për të argumentuar se demokratit i mungonte mprehtësia mendore për të udhëhequr kombin.
Të dy kritikët dhe disa mbështetës të Biden ishin të shqetësuar se ai po jepte mesazhin e gabuar në lidhje me gjendjen e tij, duke pasur parasysh programin ‘e lehtë’ të takimeve publike në krahasim me tubimet e plota të Trump.
Biden, në një intervistë për CNN në shtator, premtoi të ishte “plotësisht transparent” në të gjitha aspektet për sa i përket shëndetit të tij nëse do të zgjidhej president, por nuk specifikoi se si ai synon ta bëjë këtë.
Fushata provoi se Biden nuk është njësoj si të gjithë të moshës së tij. Mjeku i tij, Kevin O’Connor, në një raport mjekësor të lëshuar nga fushata në dhjetor, e përshkroi Biden “të shëndetshëm, të fuqishëm, të aftë për të kryer me sukses detyrat e presidencës.”
O’Connor raportoi se Biden stërvitet pesë ditë në javë. Presidenti i zgjedhur u tha mbështetësve se gjatë pandemisë ai ushtrohej në shtëpi me një biçikletë Peloton, punë rutinore dhe pesha.
Në vitin 1988, Biden pësoi dy aneurizma të rrezikshme për trurin, një përvojë që sipas tij e shndërroi atë në “burrin që do dëshironte të ishte”.
O’Connor gjithashtu vuri në dukje në raportin e tij se Biden ka të rrahura të parregullta kardiake, por nuk ka nevojë për ndonjë ilaç ose trajtim tjetër.
Një artikull në shtator nga një grup studiuesish në Journal on Active Aging arriti në përfundimin se Biden dhe Trump janë “super të moshuar” dhe ka të ngjarë të mbijetojnë më shumë se bashkëkohësit e tyre amerikanë dhe do të kujdesën për shëndetin e tyre dhe pas përfundimit të mandatit presidencial.
