Jose Mourinho dëshiron të rikthehet te Real Madridi, sipas Goal.com, duke e lidhur këtë me një numër të madh të ofertave që i ka refuzuar.
Trajneri portugez është pa punë që pas shkarkimit të tij nga Manchester United, dhjetorin e kaluar.
Sipas Goal.com trajneri është shumë i interesuar për një ftesë nga Real Madridi, nëse Florentino Perez vendosë të shkarkojë Zinedine Zidanen.
Në mes të muajve maj dhe shtator, Mourinho ka refuzuar ofertat nga klube si Monaco, Lille, Wolfsburg, Schalke dhe AC Milan.
Në këtë kohë mësohet se portugezi priste oferta nga tre klube: Paris Saint-Germain, Juventus dhe Bayern Munich.
Mourinho ka mësuar edhe gjermanisht në kohën e fundit, duke e lënë mundësinë hapur që në të ardhmen ta drejtojë edhe klubin bavarez, por aktualisht ai është i interesuar për t’u kthyer te Real Madridi.
