Kryetari i Lëvizjes BESA, Bilall Kasami në emisionin “24 Analiza” në TV24 ka folur për skandalet që po e shoqërojnë Qeverinë, edhe në sferën e arsimit.
“Nxënësve u mungojnë librat prej vitesh dhe qeveria po ofron dixhitalizim, gjë që është absurde”, tha sonte Kasami.
Sipas tij, ço vit shpallin tekste dhe nuk i japin.
Ai alarmoi se situata e njejtë është edhe me krizën energjetike.
“Vetëm premtojnë dhe shpallin, por nuk kanë masa konkrete”, theksoi Kasami.
”Bëmë një rebalanc të buxhetit që duhet të kalojë në Këshill, i cili përfshin ndarjen e mjeteve nga zërat e tjerë buxhetor. Ka masa reale, siç është propozimi për rregullimin e çmimit të energjisë elektrike, pra që shteti të japë çmim të rregulluar për shkollat, jo çmim tregu, por qeveria duket se nuk i dëgjon kërkesat dhe propozimet tona”, tha Kasami.
