Kreu i Komunës së Tetovës, Bilall Kasami nëpërmjet një publikimi ka informuar se është vendosur që të punësuarve në administratën komunale të i’u rritet paga në mënyrë lineare për 2800 den, informon portali “tetova1”.
“Të nderuar tetovarë,
Pas rritjes së pagave të punëtorëve të Njësisë Teritorriale kundër Zjarrit si dhe Ndërmarrjes Komunale “NP Higjiena Komunale”, komuna e Tetovës ka nënshkruar kontratën kolektive me çka të punësuarve në administratën komunale i’u rritet paga në mënyrë lineare prej 2800 den.
Përkundër çdo vështirësie financiare dhe sabotimi nga pushteti, ne krijojm kushte të favorshme pune për të punësuarit tanë, plotësojm nevojat e punëtorëve për një pagë dhe jetë më dinjitoze dhe të vlerësuar duke rritur pagat e tyre në mënyrë lineare. Shpresojm që rritja e pagës do të ndikojë edhe në efikasitetin e shërbimit ndaj qytetarëve dhe plotësimin e kërkesave të tyre në komunën tonë.
Premtimi ynë, tashmë një realitet.
#punë #jofjalë
#meZEMËR #përTETOVËNtonë” u shpreh Kasami.
