Besimtarët muslimanë në Shqipëri nëpër xhamitë e vendit kanë falur namazin e Kurban Bajramit, sipas një protokolli të masave për shkak të pandemisë COVID-19.
Ceremonia qendrore e namazit të Kurban Bajramit në Shqipëri është mbajtur në Xhaminë e Kokonozit në Tiranë me pjesëmarrjen e besimtarëve dhe klerikëve, njofton Agjencia Anadollu.
Namazi i Bajramit vitet e kaluara në Shqipëri është falur edhe në sheshet e qyteteve të vendit, por këtë vit për shkak të masave kundër përhapjes së koronavirusit, besimtarët kanë falur namazin vetëm në xhami.