Ambasadori gjerman në Kosovë, Jorn Rode, kërkoi nga Beogradi dhe Prishtinës që të zbatojnë marrëveshjet e arritura më herët në Bruksel, siç janë marrëveshjet për targa, energjetikë, por edhe formimin e Unionit të Komunave Serbe, duke thënë se zyrtarët e Kosovës dhe Serbisë i presin vendime të vështira, transmeton InfoShqip.
Çështja e Komunitetit duhet të adresohet, sepse është pjesë e marrëveshjeve të arritura në Bruksel, të cilat Kosova i ka nënshkruar”, tha Rohde.
Ky ambasador po ashtu tha se liderët e Kosovës dhe Serbisë duhet të jenë të gatshëm për të marrë “vendime të vështira politike”, si dhe se u duhet vullneti për të rënë dakord për kompromise që sjellin rezultate të qëndrueshme dhe përmirësojnë jetën e qytetarëve.
Rode gjithashtu beson se mungesa e progresit deri më tani është për të ardhur keq, sepse një sjellje e tillë nga të dyja palët është në kundërshtim me interesat e tyre.
Diplomati gjerman tha gjithashtu se është i nevojshëm progres urgjent për të arritur qëllimin e Gjermanisë, që është që Kosova dhe vendet e tjera të Ballkanit Perëndimor t’i bashkohen familjes euroatlantike sa më parë.
“Pra, njohja reciproke e Kosovës dhe Serbisë do të jetë parakusht i domosdoshëm për hyrjen e të dyja vendeve në BE, sepse është e pamendueshme që ne të kemi dy shtete në Union që nuk e njohin njëri-tjetrin. Këtë e tha shumë qartë kancelari Scholz gjatë vizitës së tij në Prishtinë në qershor të këtij viti“, tha Rode./InfoShqip.com
