Ndeshja në mes të Serbisë dhe Shqipërisë do të mbahet mend gjatë si njëra nga më emocionueset për tifozët Kuq e Zi. Sfida që u zhvillua me 14 tetor në stadiumin e Partizanit në Beograd nuk përfundoi asnjëherë edhe pse tri pikë i mori Shqipëria.
Ndeshja filloi me shumë tension në tribuna, me serbët që bënin thirrje nacionaliste dhe fyese kundër shqiptare dhe hedhnin mjete të forta në fushë.
Kulmi i sfidës ishte kur një dron me hartën e Shqipërisë së madhe dhe me figurat e Ismail Qemalit dhe Isa Boletinit fluturonte mbi stadium.
Shumë tifoz u futën në fushë dhe sulmuan lojtarët shqiptar, ku edhe Atkinson i dha fund ndeshjes.
Flamuri dhe droni arritën të mos bien në dorë të serbëve pasi që u shpëtua nga mjeku i Kombëtares.
Indeksonline mëson se flamuri dhe droni janë në zyrat e UEFA-së pasi që janë kërkuar si prova kur çështja ishte në gjykatë.
Jo zyrtarisht, autori i kësaj vepre ishte tifozi Ismail Morina i njohur si Ballisti.
Që nga ajo ditë, ky flamur ka përfaqësuar shqiptarët dhe është përdorur edhe gjatë festave kombëtare.
FOTO: