Behxhet Pacolli, si biznesmen, ishte ngritur në Rusi dhe Kazakistan, pasi atje kishte arritur që të ndërtojë edhe godinat më të larta qeveritare.
Në kohën sa Rusia udhëhiqej nga Boris Jelsini, kompania e tij e ndërtimet “Mabetex” në operën e Moskës dhe Pallatin e Kremlinit, ishte hetuar nën akuza se “Mabetex” kishte paguar 66 milionë dollarë komisionit dhe oficerëve rusë, por që lidhur me këtë prokuroria zvicerane nuk kishte pasur prova dhe hetimet ishin ndërprerë.
Pas akuzave, Behgjet Pacolli si udhëheqës i kompanisë, në atë kohë kishte dalë në një konferencë për media në Moskë, ku kishte mohuar akuzat.
“Puna jonë është të nënshkruajmë sa më shumë kontrata që të jetë e mundur dhe të punojmë, kjo është ajo që na intereson”, kishte thënë Pacolli në gjuhën ruse para medieve në Moskë, transmeton Magazina.al.
Më vonë kompania “Mabetex” ishte shpallur e pafajshme, pasi për akuzat për ryshfet nga Presidenti Jelsin, nuk ishin vërtetuar asnjëherë, transmeton Magazina.al
Disa vite më vonë, Pacolli u kthye në Kosovë, duke u bërë pjesë e politikës, ndërsa sot ai udhëheq me Ministrinë e Jashtme të Kosovës, duke pohuar se nuk ka më asnjë lidhje me Rusinë nga ku kishte ngritur biznesin e tij.
