Zëdhënësi i Doganës së Kosovës, Adriatik Stavileci, ka konfirmuar sot se njëmbëdhjetë doganierë, serbë që punonin në vendkalimet Jarinje dhe Bërnjak, kanë dhënë dorëheqje, raporton agjencia serbe e lajmeve Bet, transmeton InfoShqip.
“Njëmbëdhjetë pjesëtarë serbë të Doganës së Kosovës kanë dhënë dorëheqje. Kanë punuar në Jarinje dhe Brenjak. Zëvendësimi i tyre do të bëhet nga doganierët e pikave tjera“- tha Stavileci.
Dorëheqjet e punonjësve të doganave të Kosovës pasuan dorëheqjet e parashtruara nga deputetët e listës serbe, katër kryetarë dhe këshilltarë nga lista serbe në komunat në pjesën veriore të Kosovës, gjyqtarë dhe prokurorë dhe punonjës administrativë dhe anëtarë të Policia e Kosovës nga komuniteti serb.
Dorëheqja ka ardhur për shkak të pakënaqësisë me vendimin e Qeverisë së Kosovës për zbatimin e planit trefazor për riregjistrimin e veturave me targa të Kosovës dhe pas suspendimit të drejtorit të Policisë Rajonale për Veriun e Kosovës, Nenad Gjuriq.
Përfaqësuesit specialë të Gjermanisë dhe Sllovenisë për Ballkanin Perëndimor, Manuel Saracin dhe Andrzej Frangesh, kanë folur sot në Mitrovicë me liderët e listës serbe për situatën politike dhe të sigurisë në Kosovë. Saraçini dhe Frangeshi kanë biseduar me kryetarin dhe nënkryetarin e Listës Serbe, Goran Rakiq dhe Igor Simiq, pak ditë pasi serbët u larguan nga institucionet e Kosovës. Në takim morën pjesë ambasadorët e Gjermanisë dhe Sllovenisë në Prishtinë, Jern Rode dhe Minca Benedejcic, njoftoi Srpska lista./InfoShqip.com