Analisti politik dhe profesori universitar, Arsim Sinani ka komentuar zhvillimet e fundit politike pas raundit të parë të zgjedhjeve lokale në Maqedoninë e Veriut. Ai përmes një postimi në rrjetet sociale ka paralajmëruar se që në këto zgjedhje do të mbyllet karriera politike e shumë figurave kryesore politike.
“Zgjedhjet lokale nxorrën në pah rikonfigurimin e nevojshëm të skenës politike tek shqiptarët në Maqedoninë Veriore. Ka shumë gjasa që figurat kryesore politike ti mbyllin karrierat në këtë betejë lokale, e që po bëhet fushëbetejë me moton thirëse: të jesh apo mos jesh. A thua kush do të mbyll sirtarin politik?”, ka nënvizuar Arsim Sinani.
