Presidenti i Shqipërisë, Bajram Begaj është presidenti më i paguar në rajon, pasi Parlamenti miratoi këtë javë ligjin për rritjen e pagave të zyrtarëve.
Me rritjen e pagës mujore nga 2320 euro në 3860 euro, pra 65.3 për qind, ai ia kalon presidentëve të Kroacisë dhe Sllovenisë në rajon, pagat e të cilëve arrijnë në 3500 euro në muaj, raporton Euronews Albania.
Artikulli shton se presidentja e Sllovenisë, Natasha Pirc Musar merr pagë prej 3322 euro në muaj, ndërsa presidenti kroat Zoran Milanoviç 3000 euro për të njëjtën pozitë.
Menjëherë pas tyre janë tre anëtarët e Presidencës së Bosnje-Hercegovinës: Denis Beqiroviq, Zelka Cvijanoviq dhe Zelko Komshiq, secili me 2920 euro në muaj në pozicionin e tyre drejtues, presidenti i Maqedonisë, Stevo Pendarovski me pagë mujore prej 2700 euro dhe kolegu i tij malazez Jakov Milatoviq.i cili ka pagë 2420 euro.
Nga ana tjetër, presidentja e Kosovës, Vjosa Osmani, pas rritjes së fundit është 2160 euro, ndërsa presidentit serb Aleksandar Vuçiq, të cilit i është rritur paga në janar, tani merr 1700 euro në muaj, që është paga më e ulët. të një kreu shteti në rajon./INA/
