Në Kuvend për sot janë caktuar seanca të tre komisioneve, Komisioni për sistemin politik dhe marrëdhënie midis bashkësive, Komisioni ligjvënës juridik dhe Komisioni për transport, lidhje dhe ekologji.
Në rendin e ditës të seancës së Komisionit për transport, lidhje dhe ekologji, e caktuar për në ora 11:00, janë vendosur 11 projektligje, shumica nga fusha e ekologjisë.
Anëtarët e Komisionit duhet t’i shqyrtojnë edhe ndryshimet dhe plotësimet e Ligjit për veprim të objekteve të ndërtuara pa leje, në lexim të dytë, dhe Ligjin për planifikimin urbanistik, me procedurë të shkurtuar.
Komisioni për sistem politik dhe marrëdhënie midis bashkësive, i cili duhet të fillojë në ora 11:00, do t’i shqyrtojë propozim ndryshimet dhe plotësimet e Ligjit për evidencë amë në lexim të parë, si dhe Projektvendimin për miratimin e akteve të përgjithshme të Avokatit të popullit.
Në rend dite të seancës së Komisionit ligjvënës juridik të caktuar në ora 13:00 janë vendosur 23 pika. Mes pikave është edhe Propozim ligji për konfirmimin e çmimeve maksimale për mjekim spitalor dhe për testimin e pacientëve me Kovid-19 në institucionet private shëndetësore, në lexim të pare, të parashtruar nga deputetët e të Majtës, si dhe propozim ndryshimet dhe plotësimet e Ligjit për marrëdhënie të punës, në lexim të dytë, të parashtruar nga deputetët nga shumica në Parlament.
