Afrohet fundi i pritjeve të një pjese të ambasadorëve për të udhëtuar drejt përfaqësive diplomatike ku ka dhe mungesë të ambasadorëve dhe në disa të tjerë ndryshim të tyre, shkruan InfoShqip.
Në seancën e 23-të të Komisionit për punë të jashtme, gjatë ditës së nesërme, ambasadorët e nominuar do të thirren në komision për të prezantuar tezat e tyre.
Një pjesë e ambasadorëve kanë pritur të thirren në komision madje edhe pas 5 muajsh marrëveshje, ndërsa për disa të tjerë dokumentet janë dorëzuar në fillim të muajit korrik.
Në seancën e ditës së nesërme do të prezantojnë ambasadorët e nominuar; Zoran Popov që duhet të shkojë në SHBA, Evgenia Ilieva në Slloveni, Agron Buxhaku në Kanada, Driton Kuçi në Norvegji dhe Metodija Balevski në Belgjikë.
