Kompania Lockheed Martin i ka ofruar ushtrisë amerikane armën laserike me fuqi prej 300 kW, që do të thotë se është arma më e fuqishme laserike që deri më tani është prezantuar apo prodhuar.
Arma laserike është zhvilluar në kuadër të iniciativës së Pentagonit – HELSI (Hight Energy Laser Scaling Initiative), që ka për qëllim forcimin dhe përmirësimin e cilësisë së fuqisë laserike, transmeton Telegrafi.
Lockheed Martin në gusht të këtij viti pranoi porositë për armët laserike me fuqi prej 60+ kW, që është sistemi i parë taktik i armëve laserike që është integruar në flotën e anijeve të ushtrisë amerikane.
E kjo armë e re laserike me fuqi prej 300 kW është e gatshme të integrohet, kurse Lockheed Martin po fokusohet në zvogëlimin e madhësisë dhe peshës së armës laserike – me qëllim që të mund të përdoret në tokë, det dhe ajër. /Telegrafi/
