Macron bisedë telefonike me Radevin dhe Kovaçevskin

Presidenti francez Emmanuel Macron njoftoi se mbrëmë ka realizuar bisedë telefonike me presidentin bullgar Rumen Radev dhe kryeministrin e Maqedonisë së Veriut, Dimitar Kovaçevski.

Macron shprehu gatishmërinë që t’i thërrasë në Paris, “që kur të vijë koha”, që përfaqësuesit e autoriteteve në Sofje dhe Shkup të përfundojnë një marrëveshje dypalëshe që do të mundësonte fillimin e negociatave për anëtarësimin e Maqedonisë në Bashkimin Evropian, raporton “AFP”.

“Franca, e cila do të kryesojë Këshillin e BE-së deri në fund të këtij muaji, ka shtyrë për një zgjidhje të mosmarrëveshjes midis dy palëve javët e fundit”, tha Macron mbrëmë.

Në komunikatë thuhet gjithashtu se presidenti francez shprehu “mbështetjen e plotë për një marrëveshje ndërmjet dy palëve që do të kontribuonte në marrëdhëniet e mira fqinjësore dhe do të konkretizonte perspektivën evropiane të Maqedonisë së Veriut”- tha ai.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu