Mariçiq: Gjuha maqedone do të njihet nga BE-ja

Zëvendëskryeministri për Integrime Evropiane, Bojan Mariçiq ka përsëritur mendimin e tij për propozimin francez.Ai ka ritheksuar se është arritje e madhe që po mbrohet gjuha maqedone në propozimin e modifikuar dhe se ajo tashmë do të njihet nga i gjithë Bashkimi Evropian.

Qëllimi ynë në këtë proces ishte të mbrojmë statusin e gjuhës maqedone në Bashkimin Evropian dhe jo ta bindim Bullgarinë që të ndryshojë qëndrim. Qëllimi ishte që të mos ketë ndikim në aspektin gjuhësor për qëndrimin e BE-së”, tha Mariçiq.

Sipas Mariçiqit, miratimi i propozimit francez duhet të ndodh pasi duhet gjetur një zgjidhje kompromisi që do të mbyllte të gjitha çështjet e hapura, e poashtu do të siguronte ruajtjen e gjuhës maqedone.

Mendoj se është bërë një analizë e mirë dhe jo rastësisht kemi theksuar se qëndrimet tona janë marrë nga përvojat e shumë vendeve anëtare të BE-së, të cilat më pas janë shfrytëzuar gjatë bisedimeve me Bullgarinë, për të arritur një zgjidhje kompromisi”, u shpreh Mariçiq.

Ndërkohë, propozimi francez pritet të miratohet sot nga qeveria e Maqedonisë për të kaluar më pas në seancë parlamentare.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu