Një burrë i pastrehë, i cili u kthye në një familje që ishte përpjekur ta ndihmonte, e kishte pranuar vrasjen e nënës dhe djalit 13-vjeçar të saj.
Sipas asaj që shkruajnë mediat e huaja, përcjell Telegrafi, bëhet fjalë për Aaron Barley, i cili u mor nga Tracey Wilkinson, e cila e ushqeu, e veshi, i dha strehim dhe i gjeti atij një punë.
Por ai u kthye në jetën e tij të drogës dhe kësaj ia panë sherrin edhe Tracey dhe djali i saj Pierce, dhe jo vetëm.
I veshur me rroba të errëta, Aaron Barley u ngjit në katin e dytë për të vrarë Tracey Wilkinson dhe djalin e saj 13-vjeçar – dhe pastaj priti në pritë burrin e saj duke bërtitur ‘Vdis ti bastard’ pasi ai e theri gjashtë herë.
Megjithëse Peter Wilkinson pothuajse vdiq për shkak të lëndimeve të tij, ai ka një kujtim të qartë të kthimit në shtëpi pas shëtitjes së tij të hershme në mëngjes.
“Unë bëra gjërat e mia normale për të shkuar jashtë dhe për të marrë qenin për një shëtitje. U ktheva dhe mund të kujtoj se shikova përmes dritares në derën e pasme të shtëpisë, duke menduar se të gjithë duhet të kenë fjetur, sepse askush nuk u ngrit. Unë hapa derën e pasme dhe më pas ai u hodh nga prapa një muri në kuzhinë, i veshur me të zeza, me një thikë të madhe dhe filloi të më godiste me të. Më goditi dy herë në fytyrë, dy herë në bark dhe dy herë në shpinë”. /Telegrafi/
