Kryetari i partisë opozitare VMRO-DPMNE Hristijan Mickoski së bashku me nënkryetarin e partisë Aleksandar Nikoloski janë në Budapest ku kanë pasur një takim me kryeministrin e Hungarisë, Viktor Orban, transmeton InfoShqip.
Detajet Mickoski i ka bërë të ditur në rrjetet sociale:
“Në takim u bisedua për integrimin e Maqedonisë në BE. E theksova qëndrimin e VMRO-DPMNE-së dhe popullit maqedonas se integrimi është i domosdoshëm, por ai duhet të jetë dinjitoz dhe me ruajtjen e shenjave identitare të popullit.
Është theksuar se Maqedonia dhe BE-ja po përballen me dimrin më të vështirë në histori, me vështirësi të mëdha në furnizimin me energji. Vëmë re se qeveria në Maqedoni nuk ndërmerr hapat e nevojshëm në përballjen me krizën energjetike, qymyri, nafta, gazi dhe derivatet e naftës nuk sigurohen në kohën e duhur, por kur vjen kulmi i krizës, shuma të mëdha parash. jepen disa herë më shumë se sa do të mund të shpenzoheshin nëse të njëjtat burime do të siguroheshin me kohë.
Gjithashtu u vunë në dukje sfidat e krizës së migrantëve, e cila është problem si për Maqedoninë ashtu edhe për BE-në“- shkruan ai./InfoShqip.com
